After

Am y llyfr hwn

Mae Jen a Father yn byw mewn byd sydd wedi’i ddinistrio a bron yn wag. Flynyddoedd ynghynt, bu trychineb technolegol a laddodd yr holl fodau dynol a oedd wedi’u cysylltu â’r Hive trwy ficrosglodyn. Ychydig iawn o bobl wnaeth oroesi. Mae Jen a Father yn parhau i symud, gan geisio dod o hyd i fwyd a chael eu hunain i Tranquillity Lake, lle maen nhw’n gobeithio gwneud cartref parhaol. Ond mae ganddyn nhw gyfrinach. Deallusrwydd artiffisial sy’n ymddangos fel bod dynol yw Father, ac mae pob person heblaw Jen yn ei ofni. Mae’n amddiffyn Jen yn ddiflino rhag helwyr peryglus a threisgar, ond mae rhywbeth nad yw’n ei ddweud wrthi. A phan fyddan nhw’n cyfarfod â chymuned yr hoffai Jen aros ynddi, mae’n datgelu mwy o gyfrinachau syfrdanol... 

Mae’r weledigaeth hon o ddyfodol dystopaidd, lle mae peiriannau yn bethau i’w hofni ac mae dinasoedd wedi cael eu chwalu’n llwyr, yn gymhellol. Er gwaethaf yr amgylchedd llwm, mae’r stori’n canolbwyntio ar gysylltiadau dynol, yn enwedig y berthynas anarferol rhwng Jen a Father, wrth iddi ei addysgu sut i fod yn fwy dynol. Mae hwn yn cynnwys llawer o themâu i’w trafod, fel ein dibyniaeth gynyddol ar dechnoleg a deallusrwydd artiffisial, ond hefyd sut rydym ni’n trin pobl sy’n wahanol, neu nad ydynt yn rhan o’n grŵp penodol ni.