Hawliau Darllen: Mae Llyfrau'n Creu Dyfodol Mwy Disglair
“Am rhy hir, dydy manteision darllen i blant, manteision sy’n newid bywydau, ddim wedi cael eu cymryd o ddifrif. A nawr – wrth i’n plant wynebu dyfodol anhysbys – rydyn ni mewn peryg o golli cenhedlaeth oni bai ein bod ni’n gweithredu.” – Frank Cottrell-Boyce
Patrice Lawrence, Diana Gerald, a Frank Cottrell-Boyce y tu allan i Dŷ’r Arglwyddi
Ynglŷn â Hawliau Darllen
Pan ddechreuodd Frank Cottrell-Boyce yn ei swydd fel Bardd Plant Waterstones, roedd ganddo weledigaeth syml: y dylai darllen fod yn rhan o fagwraeth pob plentyn. Bod cael rhywun yn darllen i chi o enedigaeth ddim yn fraint anweledig, ond yn rhan gyffredinol o blentyndod.
Mae Hawliau Darllen yn ymgyrch a arweinir gan BookTrust a Frank. Dros y ddwy flynedd diwethaf, mae Hawliau Darllen wedi helpu i sicrhau bod darllen ar y cyd yn cael ei drafod mewn sgyrsiau newydd ar draws polisi blynyddoedd cynnar, iechyd, addysg, diwylliant, a llywodraeth leol. Mae pobl yn dechrau dod ynghyd o amgylch syniad syml, pwerus: bod darllen yn greiddiol i fywyd cynnar plentyn, oherwydd ei fod yn creu’r sylfaen ar gyfer lles, cysylltiad a hapusrwydd.
Mae’r syniad o Hawliau Darllen yn ffynnu, gan ysbrydoli arferion yn yr ystafell ddosbarth a strategaethau llyfrgelloedd lleol. Rydym wedi dechrau symud systemau, dylanwadu ar ganllawiau cenedlaethol, annog ymchwiliadau, a sbarduno trafodaethau.
Ymunwch â’r mudiad Hawliau Darllen
Wrth i’r pwysau ar deuluoedd barhau i gynyddu ac wrth i wasanaethau gael eu hymestyn i’r eithaf, mae’n rhaid i ni barhau i weithio gyda’n gilydd i wneud yn siŵr bod darllen yn dal i gael sylw. Mae’n genhadaeth frys. Yn ein dwylo ni mae un o’r offer mwyaf pwerus y mae bodau dynol erioed wedi’i ddyfeisio ar gyfer adeiladu cyfarpar hapusrwydd, sef llyfrau. Rydym yn rhywogaeth o rythm, o adrodd straeon, o gysylltiad. Mae’n sylfaenol i bwy ydym ni.
Cofrestrwch i’r mudiad Hawliau Darllen a chael y newyddion diweddaraf a chynnwys arbennig yn uniongyrchol gan Frank a BookTrust yn syth i’ch mewnflwch. Gyda’n gilydd, gadewch i ni sicrhau bod darllen yn hawl gyffredinol i bob plentyn dan 7 oed.
Y gwahaniaeth mae eich cefnogaeth yn ei wneud
Wyddoch chi, dydy 58% o blant yn y DU ddim yn cael stori amser gwely?
Trwy ein rhaglen Dechrau Da Babi, derbyniodd dros 500,000 o deuluoedd y llyfr cyntaf ar gyfer eu babi.
Rydym yn cefnogi 1.4 miliwn o blant a theuluoedd bob blwyddyn.
Rhoi: Mae eich rhoddion yn ariannu’r gwaith hanfodol rydym yn ei wneud i helpu teuluoedd i ddarllen gyda’i gilydd. Cyfrannwch i ddod â manteision darllen, manteision sy’n newid bywyd, i bob plentyn.
Y newyddion diweddaraf
-
Darllenwch ganfyddiadau ein harolwg diweddaraf o deuluoedd â phlant yn eu blynyddoedd cynnar. Mae ein hymchwil yn dangos bod plant a theuluoedd yn gwerthfawrogi darllen, ond mae pwysau cynyddol ar fywyd teuluol yn golygu bod darllen ar y cyd yn gynnar yn gostwng.
Uchafbwyntiau’r ymgyrch Hawliau Darllen
-
Yr uwchgynhadledd Hawliau Darllen – yr hyn a ddysgwyd gennym a’r hyn fydd yn dod nesaf (Saesneg yn unig)
18 Mawrth 2026
Daeth BookTrust a Bardd Plant Waterstones, Frank Cottrell-Boyce, ag arweinwyr blynyddoedd cynnar ynghyd mewn ail Uwchgynhadledd Hawliau Darllen yn Abaty San Steffan i barhau i yrru newid yn y system a sicrhau bod pob plentyn yn gallu tyfu i fyny gyda llyfrau a straeon.
-
BookTrust yn Senedd y DU: “Mae rhannu straeon yn newid bywydau plant” (Saesneg yn unig)
15 Tachwedd 2024
Ym mis Tachwedd 2024, cynhaliodd BookTrust dderbyniad seneddol yn Nhŷ’r Arglwyddi i sôn am ddarllen a rhannu straeon fel ffactor amddiffynnol pwerus i blant sy’n cael gofal gan berthynas, plant sy’n cael gofal maeth a phlant sydd wedi’u mabwysiadu. Dyma beth ddigwyddodd.
Taith ddysgu Frank
Darllenwch fwy am daith ddysgu Frank i ddarganfod mwy am sut mae darllen ar y cyd o’r blynyddoedd cynnar yn newid bywydau.
Iechyd
-
Ym mis Tachwedd 2024, ymwelodd Frank Cottrell-Boyce â Phrosiect Iechyd Cymunedol Riverside yn Benwell, yn ardal y West End yn Newcastle. Cyfarfu â 10 o ymwelwyr iechyd arbenigol sy’n ymwneud â phrosiectau cydweithredol sy’n cefnogi iechyd a lles teuluoedd yn eu hardal – ac sy’n defnyddio llyfrau fel offeryn hanfodol.
-
Ymwelodd Frank Cottrell-Boyce â chanolfan i deuluoedd yn Southport i ddeall sut mae llyfrau a straeon yn rhan hanfodol o gefnogaeth lleferydd ac iaith y Blynyddoedd Cynnar.
-
Ymunodd Frank â’r Athro Sam Wass yn y Labordy Datblygiad Babanod yn Stratford, Dwyrain Llundain i weld beth sy’n digwydd i ymennydd babi pan fydd ei riant yn darllen stori iddo – a pham mae’r eiliadau hyn a rennir yn hanfodol i ddatblygiad plentyn.
Addysg
-
Ymwelodd Frank Cottrell-Boyce ag ysgol yn Lerpwl – yr un agosaf at ble y cafodd ei fagu – i weld sut maen nhw’n cefnogi teuluoedd i rannu llyfrau a straeon gyda’i gilydd, a pha wahaniaeth y gall hyn ei wneud.
-
Mewn cydweithrediad â BookTrust, ymwelodd Frank Cottrell-Boyce â meithrinfa ysgol yn Lerpwl i weld pam mae ymyriadau rhannu straeon yn ystod y Blynyddoedd Cynnar mor hanfodol i blant a sut maen nhw’n cael effaith ar deuluoedd.
-
Dyma beth y dysgodd Frank ar ei ymweliad â Meithrinfa Meadows yn Sheffield, sydd wedi’i lleoli ar gampws Prifysgol Sheffield Hallam ac sydd hefyd yn lle ar gyfer ymchwil a datblygu arferion gorau mewn blynyddoedd cynnar a gofal plant.
Cymuned
-
Roedd Frank eisiau dysgu am y gwaith sy’n digwydd ar y rheng flaen i sicrhau bod plant yn gweld llyfrau ac yn cael straeon o oedran ifanc, yr heriau y mae’r sector Blynyddoedd Cynnar yn eu hwynebu, a pha gyfleoedd sydd yna ar gyfer newid.
-
Ymweliad Frank â CEM Featherstone (Saesneg yn unig)
16 Rhagfyr 2024
Ymwelodd Frank â CEM Featherstone gyda’r elusen PACT i weld sut mae tadau sy’n garcharorion yn rhannu llyfrau a straeon i greu cysylltiadau â’u plant yn ystod ymweliadau teuluol – a pha effaith y mae’n ei chael ar bawb.