Darparu Amser Stori BookTrust
Rydyn ni wedi clywed oddi wrth deuluoedd a phartneriaid er mwyn deall beth sy’n gweithio wrth ddarparu Amser Stori BookTrust. Dyma rai awgrymiadau a chynghorion ar sut y gallwch chi ddarparu Amser Stori rhagorol yn eich llyfrgell chi.
Chwalu mythau
Amcan y rhaglen hon yw annog teuluoedd newydd i ymweld â’r llyfrgell. Gwyddom fod rhwystrau, a allai gynnwys:
- Rhwystrau corfforol, fel trafnidiaeth neu leoliad
- Rhwystrau cymdeithasol, fel teimlo’n nerfus o fynd i mewn i’r llyfrgell am y tro cyntaf (sy’n gyffredin iawn yn ôl ein hymchwil ni!)
- Rhwystrau economaidd, fel pryderu am dalu ffioedd annisgwyl
- Ofn y gallai’u plentyn darfu ar bethau neu fethu â chanolbwyntio
Fe welsom fod tawelu meddwl teuluoedd ar ôl iddyn nhw fynd i mewn i’r llyfrgell yn eu hannog i ymweld eto! Dyma bwnc y gallwch chi ei godi wrth siarad â phartneriaid cymunedol
Gweithio gyda phartneriaid
- Gwyddom fod adeiladu perthynas â theuluoedd newydd yn gallu cymryd cryn amser. Dyna pam fod Amser Stori BookTrust yn digwydd bob blwyddyn er mwyn eich helpu chi i adeiladu perthynas bwysig â’ch cymuned leol.
- Gall gweithio gyda phartneriaid sydd eisoes wedi ennill ymddiriedaeth teuluoedd roi cyfle i chi achub y blaen wrth hyrwyddo eich digwyddiadau. Yn y blynyddoedd blaenorol, canfu llyfrgelloedd lwyddiant drwy estyn llaw at feithrinfeydd lleol, canolfannau plant, grwpiau Ti a Fi lleol a mwy.
“Roedden ni wastad yn ei chael hi’n anodd cael Amser Stori ble roedd llawer yn mynychu. Drwy gysylltu â’n meithrinfa leol i ymuno yn Amser Stori BookTrust, mae gennym bellach sesiwn Amser Stori rheolaidd yn digwydd er ein bod ni wedi gorffen y chwe llyfr, sydd wedi annog cyswllt cadarnhaol â’r feithrinfa ar gyfer digwyddiadau erail
Llyfrgellydd
Dyma sut y gwnaeth llyfrgell yn Swydd Gaerlŷr drefnu i gasglu a gollwng wrth weithio gyda phartner cymunedol newyddr:
Taenu’r neges
- Defnyddiwch bosteri Amser Stori BookTrust i hysbysebu eich gweithgareddau. Ymysg mannau delfrydol i’w harddangos mae archfarchnadoedd lleol, parciau a chanolfannau cymuned.
- Defnyddiwch y cyfryngau cymdeithasol i daenu’r neges! Rydyn ni’n rhannu cardiau cymdeithasol y gallwch chi eu lawrlwytho a’u defnyddio.
Fe ddysgon ni am y llyfrgell ar y cyfryngau cymdeithasol. Fe wnaethon ni fwynhau’r sesiwn, am nad ydyn ni wedi bod o’r blaen. Edrych ymlaen at ddod yn ôl wythnos nesaf. Baswn, fe faswn i’n ei argymell i eraill.
Rhiant
Adnoddau hyblyg
- Rydyn ni wedi cynllunio adnoddau Amser Stori BookTrust i fod yn hyblyg – er enghraifft, gellir defnyddio’r llyfrau sticeri pa fydd plentyn yn mynd â’i lyfr cyntaf allan, a phan fyddan nhw’n cael gwahoddiad i ddod i ddigwyddiad Amser Stori, gallen nhw gasglu sticer ar gyfer pob llyfr. Chi sydd i benderfynu sut i ddefnyddio’r adnoddau, am mai chi sy’n adnabod eich cymuned orau – ond byddem yn falch iawn o glywed beth sydd wedi llwyddo i chi!
- Clywch am weminarau BookTrust drwy gyfrwng ein cylchlythyr i gael ysbrydoliaeth oddi wrth lyfrgelloedd a phartneriaid eraill, rhannu eich syniadau, a rhoi adborth i ni.
Sesiynau rhyngweithiol
- Gwnewch i deuluoedd deimlo’n gyffyrddus. Gosodwch ddisgwyliadau ar y dechrau. Er enghraifft, gwnewch yn siŵr fod rhieni a gofalwyr yn gwybod ei bod hi’n iawn os nad yw eu plant nhw’n eistedd yn llonydd a thawel.
- Ystyriwch ystod oedran y plant yn y sesiwn. Os oes llawer o blant llai yn mynychu eich sesiwn, rhowch gynnig ar straeon byrrach.
- Gwnewch bethau dwy’r trwch. Byddwch yn hyblyg – cofiwch gynnwys cyfuniad o rigymau a straeon rhyngweithio i gadw lefelau egni yn uchel.
Canllaw caniatâd
Mae’r canllaw hwn yn rhoi gwybodaeth i chi ynghylch beth allwch chi ei wneud gyda’r llyfrau
Chwilio am ragor am Amser Stori?
Ewch i’n tudalen am raglen Amser Stori neu porwch drwy’r adnoddau
-
Dysgwch ragor am y rhaglen, sut mae’n gweithio a sut y mae o fudd i ddarllen plant.
-
Porwch drwy ein hadnoddau a gynlluniwyd yn benodol ar gyfer y rhaglen hon, i’ch cefnogi i ddarparu’r rhaglen.