Dydy hi byth yn rhy gynnar i ddechrau rhannu llyfrau, straeon a rhigymau â’ch plentyn. Trwy raglen Dechrau Da, mae BookTrust Cymru’n cefnogi teuluoedd ledled Cymru i ddarllen gyda’i gilydd yn rheolaidd.
Mae pob plentyn yng Nghymru’n cael derbyn dau becyn Dechrau Da arbennig cyn eu bod yn dair oed; mae eu Hymwelydd Iechyd yn eu rhoi i’w teuluoedd. Fel arall, mae pecynnau Dechrau Da ar gael i’w casglu i sawl llyfrgell yng Nghymru. Dewch o hyd i’ch llyfrgell leol yma.
Fe fyddwch chi’n gweld llawer o adnoddau difyr a gwybodaeth ddefnyddiol i gefnogi rhieni, gofalwyr a theuluoedd.
Gwneir rhodd o becyn Dechrau Da Babi fel rheol yn ystod archwiliad iechyd 6 mis eich plentyn. Mae’n cynnwys llyfr dwyieithog, wedi’i ddewis yn ofalus i apelio at blant ifanc iawn, llyfryn gyda syniadau ar gyfer rhannu llyfrau, straeon a rhigymau, pyped bys dwyochrog a thaflen gyda gwybodaeth am ymuno â’ch llyfrgell leol.
Gwneir rhodd o becyn Dechrau Da Blynyddoedd Cynnar fel rheol yn ystod archwiliad iechyd 27 mis eich plentyn. Mae’n cynnwys llyfr lluniau dwyieithog, llyfryn sy’n llawn syniadau ar gyfer rhannu llyfrau, straeon a rhigymau a thaflen gyda gwybodaeth am ymuno â’ch llyfrgell leol.
Os nad ydych chi wedi derbyn eich pecynnau Dechrau Da, yna cysylltwch â’ch ymwelydd iechyd.
Lawrlwytho ein dalenni crefftau a lliwio dwyieithog.
Cwtsio â’ch plentyn a mwynhau gwrando ar stori gyda’ch gilydd yn y Gymraeg neu’r Saesneg.
Cael hwyl yn rhannu rhigymau â’ch plentyn. Cydganu â’r rhigymau sain neu lawrlwytho ein dalenni rhigymau.
Chwilio am rywbeth hwyl i’w wneud fel teulu? Gallwch fwynhau amser stori gyda’n llyfrau a fideos rhad ac am ddim ar lein, chwarae gemau, ennill gwobrau, neu hyd yn oed ddysgu sut i dynnu llun rhai o’ch hoff gymeriadau.
Mae llawer o lyfrgelloedd yng Nghymru’n cynnal eu sesiynau Amser Stori ac Amser Rhigwm Dechrau Da eu hunain. Cael gwybod mwy am beth y mae’ch llyfrgell leol yn gallu ei gynnig i chi.
Darllen ein hawgrymiadau defnyddiol ynglŷn â sut i fwynhau llyfrau â’ch plentyn, a gwneud yn fawr o’ch amseroedd stori â’ch gilydd.