Dechrau Da Blynyddoedd Cynnar

Mae Dechrau Da i Blant Bach a Dechrau Da Oed Cyn Ysgol / Meithrin yn becynnau llyfrau a gynlluniwyd i helpu teuluoedd i gael hwyl wrth ddarllen a rhannu straeon gyda’u plant. Cynlluniwyd pecynnau Dechrau Da i Blant Bach ar gyfer plant 1–2 oed a chynlluniwyd pecynnau Dechrau Da Oed Cyn Ysgol / Meithrin ar gyfer plant 3–4 oed.

Cyflwynir Dechrau Da Blynyddoedd Cynnar i deuluoedd drwy gyfrwng llawer o bartneriaid gwahanol fel timau ymwelwyr iechyd, hybiau teuluoedd a meithrinfeydd.

Mae pob pecyn yn cynnwys dau lyfr, gweithgareddau a gemau i ddod â’r llyfrau’n fyw, a denu diddordeb plant bach mewn darllen. Gallwch ddod o hyd i ragor o syniadau ynghylch sut i ddefnyddio eich pecyn isod, yn ogystal â fersiynau i’w lawrlwytho a’u hargraffu o’r adnoddau yn y pecyn.

Mae pob pecyn yn cynnwys y llyfrau Zeki Goes to the Park ac All Aboard: Train.

• Pyped bys: Defnyddiwch hwn i ddweud y stori! Ceisiwch esgus fod y pyped yn un o’r cymeriadau, neu gallwch ei ddefnyddio i ddenu eich plentyn i siarad.
• Zeki Goes to the Park: Ewch â’r llyfr gyda chi pan fyddwch chi allan o’r tŷ. Allwch chi weld unrhyw bethau mae Zeki a Mummy yn ei weld wrth fynd am dro i’r parc?
• All Aboard: Train. Ceisiwch weld a all eich plentyn ddefnyddio’r llabedi gwthio a thynnu wrth i chi gyd-ddarllen.
• Os ydych chi’n ffansïo rhigwm, rhowch gynnig ar y syniadau ar gefn eich pecyn.

Mae pob pecyn yn cynnwys y llyfrau Supertato: Bubbly Troubly a Colours with a Ladybird. 

Mae Dechrau Da Meithrin yng Nghymru’n cynnwys y llyfrau dwyieithog Y Deinosor Bach Yma a Dwmbwr Dambar

• Dwmbwr Dambar / Rumble Tumble: Allwch chi esgus bod yn anifail? Rhowch gynnig ar wneud y synau a’r symudiadau anifeilaidd allai fynd gyda phob creadur.
• Y Deinosor Bach Yma / This Little Dinosaur: Chwaraewch dacw’r deinosor! Mae llawer o ddeinosoriaid gwahanol sy’n gwneud llawer o bethau gwahanol.