The Line They Drew Through Us

Am y llyfr hwn

Mae Jahan, Ravi a Lakshmi, a anwyd filltiroedd oddi wrth ei gilydd, ac i wahanol grefyddau, yn ffrindiau gorau, ac erbyn eu bod nhw’n 12 oed maen nhw wedi bod yn cyfarfod ers blynyddoedd yn y pentref heb enw nad yw’n ymddangos ar unrhyw fapiau. 

Ond mae’r Prydeinwyr, sydd wedi rheoli India ers canrifoedd i bob pwrpas, yn paratoi i adael ac yn bwriadu rhannu’r wlad ar sail crefydd. Wrth i brotestiadau a thrais gynyddu yn y dinasoedd mawr, mae’r pentref yn hafan o lonyddwch lle mae Mwslimiaid, Hindŵiaid a Sikhiaid yn byw gyda’i gilydd yn heddychlon. Ond a all yr heddwch a’r cyfeillgarwch oroesi rhaniad creulon ac annerbyniol? Golwg hygyrch, dyngarol ar Raniad India o safbwynt profiadau tri o blant a'u teuluoedd. 

Mae gwleidyddiaeth cyfnod cymhleth mewn hanes trefedigaethol yn cael ei rhoi mewn termau syml a fydd yn rhoi syniad eglur i ddarllenwyr ifanc o’r hyn a ddigwyddodd pan adawodd y Prydeinwyr India yn sydyn ym 1947. Heb dreiddio’n rhy ddwfn i fanylion torcalonnus, mae canlyniadau’r Rhaniad yn cael eu dinoethi. Ac fe’n gadewir heb unrhyw amheuaeth ei fod wedi dangos y gwaethaf a’r gorau o bobl o bob ffydd; ymhlith y casineb a’r lladd, roedd caredigrwydd mawr hefyd.