Pêl-droed Penigamp

Am y llyfr hwn

Dyma lyfr ffeithiol sy’n berffaith i ffans ifanc pêl-droed a, diolch i’w arddull ysgafn a hwyliog, bydd hefyd yn apelio at rai sydd yn llai cyfarwydd â’r gêm. Gan ei fod wedi britho gyda chartwnau, dyfyniadau a phytiau bach bydd yn apelio at ddarllenwyr sydd yn ffeindio testunau hirach, mwy traddodiadol yn her. Ynddo, mae ffeithiau am bob agwedd o’r gêm, o’i hanes, i’w chwaraewyr mwyaf enwog, hyd at esbonio terminoleg. Mae’r casgliad o dablau yn y cefn yn fonws gwych i unrhyw un â gwir obsesiwn gyda’r gêm!

Dyma lyfr bydd yn tanio syniadau dysgu yn benodol ym meysydd Iechyd a Lles, Y Dyniaethau ac Ieithoedd, Llythrennedd a Chyfathrebu.