Busy Garden / Gardd Brysur

Am y llyfr hwn

Mae dau blentyn â bysedd gwyrdd yn brysur yn yr ardd yn y llyfr bwrdd rhyngweithiol hwn i’r plant lleiaf. Mae pob tudalen ddwbl yn dangos gweithgaredd gwahanol yn yr ardd. O blannu hadau blodau haul a darganfod trychfilod, i chwarae ar y siglen a chael gêm o guddio, mae cymaint i’w weld a’i fwynhau yn eu gwerddon fach werdd eu hunain.

Gyda thabiau llithro tynnu a gwthio ar bob tudalen, gan alluogi i’r darllenwyr bach ‘dyfu’ blodau haul, neu ‘wthio’ merch fach ar y siglen, mae’r llyfr yn wych ar gyfer datblygu sgiliau echddygol manwl cynnar. Yn ogystal â'r testun syml sy’n odli, mae’r defnydd o gwestiynau mewn swigen siarad ar bob tudalen ddwbl yn annog mwy o ymgysylltu, yn ogystal â hwb trafod i oedolion sy’n darllen gyda’u plentyn bach.

Mae llawer o fanylion bach yn y darluniau bras y gall y plant bach dynnu sylw atynt, ac mae’r llyfru yn hybu gwerth chwarae ac ymgysylltu â natur sy’n bodoli ar garreg ein drws mewn ffordd gadarnhaol.