Mae BookTrust wedi ymrwymo i annog teuluoedd o bob diwylliant i ymgysylltu â llyfrau, Rydyn ni eisiau sicrhau bod gan bob plentyn fynediad i lyfrau a’r cyfle i fwynhau darllen.
Rydyn ni’n cynnig llyfrau Iaith ddeuol (ID) a chanllawiau i deuluoedd y mae Saesneg yn iaith ychwanegol iddynt (EAL), er mwyn iddyn nhw allu cael mynediad i lyfrau ac adnoddau i gefnogi cyflawni manteision darllen.
Cynlluniwyd pecynnau Dechrau Da Babi i helpu teuluoedd i ddechrau cyd-ddarllen o ddyddiau cyntaf bywyd babi oherwydd gwyddom po gynted y bydd teuluoedd yn dechrau, po fwyaf y bydd plant yn elwa yn y tymor hir.
Mae ymchwil yn argymell fod teuluoedd yn siarad ac yn rhannu llyfrau yn eu mamiaith yn ogystal â Saesneg. Dangoswyd fod gan blant EAL well sgiliau meddwl a rhesymu, am fod angen iddyn nhw fod yn fwy hyblyg wrth ddeall iaith.
Mae cynnig llyfrau ID fel rhan o raglen Dechrau Da yn ffordd wych o gyflwyno rhannu llyfrau gerbron rhieni a gofalwyr nad ydynt efallai’n llwyr hyderus yn gwneud hynny yn Saesneg. Mae hefyd yn rhoi cyfle i ymarferwyr gyfeiri’r rhieni at ble maen nhw’n gallu dod o hyd i ragor o deitlau ID, fel yn eu llyfrgell leol.
Gall llyfrau a roddir fod yn wahanol i’r rhai a ddangosir uchod
Mae ein rhaglen Dechrau Da’n cynnig nifer cyfyngedig o lyfrau ID mewn dros 30 o ieithoedd cymunedol, mewn partneriaeth â’r cyhoeddwr Mantra Lingua, y gellir eu hychwanegu at becynnau Dechrau Da Babi, Blynyddoedd Cynnar, i Blant Bach a Chyn Ysgol.
Yn ychwanegol, mae BookTrust hefyd y rhoi canllawiau rhad ac am ddim i rieni wedi’u cyfieithu i ugain o ieithoedd.
Chwilio am rywbeth hwyl i’w wneud fel teulu? Gallwch fwynhau amser stori gyda’n llyfrau a fideos rhad ac am ddim ar lein, chwarae gemau, ennill gwobrau, neu hyd yn oed ddysgu sut i dynnu llun rhai o’ch hoff gymeriadau.
Os hoffech chi roi llyfrau ID yn anrheg i deuluoedd rydych chi’n gweithio gyda nhw, cysylltwch â’r Cydlynydd Dechrau Da yn eich awdurdod lleol. Os oes angen mwy o wybodaeth arnoch, anfonwch e‑bost at [email protected]. Nodwch os gwelwch yn dda mai nifer cyfyngedig o lyfrau ID fydd ar gael gan Gydlynwyr Dechrau Da oherwydd y cyllid sydd ar gael.
Os ydych chi’n bartner sy’n darparu Dechrau Da Babi, Blynyddoedd Cynnar, i Blant Bach neu Blant Oed Cyn Ysgol ac eisiau prynu copïau ychwanegol uwchlaw’r nifer a glustnodwyd ar eich cyfer, anfonwch e‑bost at [email protected] er mwyn i chi dderbyn gostyngiad hael oddi wrth Mantra Lingua.
Defnyddiwch y Canfyddwr Llyfrau i ddod o hyd i’r llyfrau perffaith ar gyfer dyddiau cynnar eu babi. Gallwch ddefnyddio ein hoffer arbennig i chwilio drwy gannoedd o adolygiadau am lyfrau plant, yn ôl oedran, categori a thema.
Argymhellion am lyfrau i blant 0-1 oed