Enwebwch weithiwr Blynyddoedd Cynnar proffesiynol…

Rydym yn chwilio am weithiwr Blynyddoedd Cynnar gwych i gael ei enwi’n Rhannwr Straeon y Flwyddyn BookTrust!

Rydym eisiau dathlu un o’n partneriaid Blynyddoedd Cynnar gwych sy’n defnyddio rhaglenni BookTrust i ddod â hud llyfrau a darllen yn fyw i deuluoedd – ond mae angen eich help arnom i ddod o hyd i’r person hwnnw.

Efallai eu bod yn cydweithio â phartneriaid eraill mewn ffordd ddiddorol iawn, yn modelu sut i rannu straeon yn wych fel bod teuluoedd yn gallu rhoi cynnig arni gartref, neu’n wych am gael plant i siarad am lyfrau.

Enwebwch Rhannwr Straeon sydd wedi cael effaith wirioneddol ar y plant a’r teuluoedd maen nhw’n gweithio gydag erbyn y dyddiad cau sef 11pm ar 15 Medi ac fe allai ennill gwobr hyfryd!

Beth all fod yn bwysicach na sicrhau bod straeon, llyfrau a darllen yn rhan o fywydau babanod a phobl ifanc? Mae’n weithred sy’n dangos cariad ac mae’n rhywbeth rwyf wedi bod ag obsesiwn amdano ers y dyddiau pan ro’n i’n cyflwyno Play School nôl yn yr 1970au! Rwy’n hapus iawn i fod yn beirniadu Rhannwr Straeon y Flwyddyn BookTrust ac alla’ i ddim aros i glywed am y gwaith ysbrydoledig rydych chi’n ei wneud! Cadwch i Wenu!
Yr awdures, darlledwraig ac ymgyrchydd, y Farwnes Floella Benjamin

Yr hyn mae angen i chi ei wybod

Rydym yn chwilio am enwebiadau ar gyfer Rhanwyr Straeon sy’n gweithio gyda rhaglenni Blynyddoedd Cynnar BookTrust: gallai’r rhain gynnwys Dechrau Da Babi, Dechrau Da i Blant Bach ac Oed Cyn Ysgol (neu Meithrin yng Nghymru), Amser Stori BookTrust, Dechrau Da Blynyddoedd Cynnar (Cymru yn unig), Pori Drwy Stori Meithrin (Cymru yn unig) neu ein rhaglenni dwy iaith neu anghenion ychwanegol.
Gall ein Rhanwyr Straeon fod yn gweithio mewn unrhyw fath o leoliad – o grŵp cymunedol i lyfrgell, canolfan i blant, meithrinfa neu unrhyw le arall – cyhyd â’u bod yn defnyddio ein rhaglenni a’u bod wedi gwneud hynny o fewn y 12 mis diwethaf.
Rydym yn chwilio am Ranwyr Straeon sy’n mynd y tu hwnt i’r hyn a ddisgwylir i ennyn diddordeb teuluoedd nad ydynt o bosibl yn darllen gyda’i gilydd fel arfer a’u hannog i gael hwyl gyda llyfrau a straeon – p’un a ydyn nhw’n defnyddio ffyrdd creadigol o annog cariad at ddarllen neu’n cynnig cymorth ac arweiniad gwych i rieni a gofalwyr.
Bydd yr enillydd yn cael ei ddewis gan banel o feirniaid yn cynnwys Awdures Breswyl BookTrust, Camilla Reid, a’r awdures, y darlledwraig a’r ymgyrchydd, y Farwnes Floella Benjamin.
Byddwn yn cyhoeddi’r enillydd yn ystod Wythnos Rhannu Straeon, fydd yn cael ei chynnal 13–17 Hydref. Y wobr fydd bwndel llyfrau wedi’i guradu’n arbennig ar gyfer lleoliad yr enillydd.
Noder, hoffem ddathlu ein Rhannwr Straeon buddugol yn gyhoeddus ar ein gwefan, mewn cylchlythyrau ac ar y cyfryngau cymdeithasol, felly ystyriwch a yw hyn yn rhywbeth y byddai’r person hwnnw’n gyfforddus yn ei wneud pan fyddwch chi’n cyflwyno eich enwebiad.

Rwy’n falch iawn o fod yn ymuno â’r panel beirniaid ar gyfer Rhannwr Straeon y Flwyddyn BookTrust – gwobr bwysig iawn sy’n cael ei rhoi i gydnabod partner sydd wedi ennyn diddordeb teuluoedd mewn ffordd unigryw a gwych! Rwy’n siŵr y byddwn ni, fel beirniaid, yn ei chael hi’n anodd dewis enillydd o blith cynifer o unigolion ysbrydoledig, ond alla’ i ddim aros i fwrw ati!
Camilla Reid, awdures blynyddoedd cynnar ac Awdures Breswyl BookTrust

Enwebwch weithiwr Blynyddoedd Cynnar proffesiynol gwych i fod yn Rhannwr Straeon y Flwyddyn BookTrust

Yr hyn mae angen i chi ei wybod

Enwebwch eich Rhannwr Straeon