Amser Rhigwm Mawr Cymru 2020: Am wythnos o rigymu difyr!

Published on: 25 Chwefror 2020 Author: BookTrust Cymru

Bu mwy na 22,000 o blant mewn ysgolion, meithrinfeydd, llyfrgelloedd a lleoliadau blynyddoedd cynnar ledled Cymru’n cymryd rhan yn Amser Rhigwm Mawr Cymru eleni!

Cynhaliwyd Amser Rhigwm Mawr Cymru o ddydd Llun 10 i ddydd Gwener 14 Chwefror 2020. Bob blwyddyn, mae Amser Rhigwm Mawr Cymru’n hybu gweithgarwch rhannu rhigymau difyr a hwyliog ar gyfer plant 0-5 oed yng Nghymru, yn y Gymraeg a’r Saesneg.

Rydyn ni wedi mwynhau rhannu ein hoff rigymau difyr a dathlu rhigymau a chaneuon er mwyn helpu plant i ddatblygu sgiliau siarad, gwrando, cyfathrebu a llythrennedd, gwella’u gallu i ganolbwyntio a’u hyder ac – yn anad dim – cael hwyl!

Gwnaethon ni rannu caneuon gwirion a rhigymau gwallgof drwy gydol yr wythnos. Dyma rai yn unig o’r uchafbwyntiau....

Ymunodd James Hook, yr eicon rygbi, â ni ar gyfer y rhigymu hwyliog. Meddai James. 'Mae magu tri chrwt wedi dangos i fi gymaint o hwyl sydd i’w gael yn darllen ac yn rhigymu gyda’ch plant! ’Dych chi’n cael caniatâd i ryddhau’r plentyn sydd y tu mewn ichi a bod yn wirion gyda’r rhai bach.'

Ysgrifennodd Gruffudd Owen, Bardd Plant Cymru gerdd hudol y mae posibl i bawb ei lawrlwytho a’i chanu.

Mae ein ffrindiau yng Nghyngor Llyfrau Cymru wedi ffurfio rhestr o rai o’r llyfrau mwyaf rhigym-wych.

Dywedodd Family Bookworms ac Huw Aaron, awdur a darlunydd llyfrau plant am eu cariad tuag at rigymau.  

...Ac yn bwysicach na dim, mae plant a theuluoedd ledled Cymru wedi bod yn cael hwyl yn canu, rhigymu a gwenu yn ein cwmni! Llongyfarchiadau mawr i bawb a gymerodd ran am wneud Amser Rhigwm Mawr Cymru 2020 yn wythnos rigym-wych, llawn hwyl!